شاهدوا لحظة انهيار أسما شريف منير على الهواء وهي تعتذر للجمهور باكية
اعتذرت الإعلامية أسما شريف منير على الهواء بعد تطاولها على فضيلة الشيخ محمد متولي الشعراوي، وذلك في برنامج الحكاية الذي يقدمه الإعلامي عمرو أديب وقالت أسما: «أنا مش مصدقة أي حاجة والله العظيم من إمبارح مش مصدقة، يعني هو الموضوع ابتدأ إن أنا الفترة الماضية كنت تعبانة صحياً ونفسياً فدخلت وقلت أنا عايزة أسمع لشيخ أو أسمع لحد يقنعني ويبقى بسيط وأفهمه... ما معناه إني محتاجة أقرب من ربنا أكتر وعايزة حد، فرشحولي ناس لأن دي طريقتي مع المتابعين بسألهم ويسألوني وكدة، كتبوا لي شيوخ كتير أوي وقلت حشوفهم كلهم وحتى حد كتبلي لازم تسمعيلهم كلهم وتشوفي أكتر حد أقربلك وتابعيه فحد كتبلي الشيخ متولي الشعراوي الله يرحمه».
وتابعت قائلة: «دخلت ورديت كومنت يعني عايزة أموت نفسي إني قلت كدة بجد والله العظيم، دخلت كتبت وقلت إن أنا كنت بشوف الشيخ الشعراوي طول عمري ومكنتش بفهم حاجة والكلام كان بيبقى بالنسبة لي صعب جداً وبعدين لما كبرت شفت حاجة ليه أو كدة كان فيها تطرف وطبعاً الكلمة دي أنا مكنتش عايزة أقولها أصلاً لأني أنا خفت أقولها ومش بقولها تاني لحد ما موت وأنا حقيقي مفهمتهاش وعقلي مستوعبهاش وحتى استغربت».
وأضافت: «من ساعة ما قلت الجملة دي، قسما بالله أنا بقولها بمنتهى العفوية مش قصدي أي حاجة مستحيل كنت أتخيل إن دي تبقى ردود الأفعال أبداً».
وهو ما دفع أديب لأن يتعاطف معها مطالباً الجمهور بمسامحتها بعد اعتذارها عن التطاول على فضيلة الشيخ الجليل رحمة الله عليه.
شاهدي الفيديو :
أضف تعليقا