شذى تكشف سراً عن مرض هيثم شاكر.. فقد قدرته على الأكل

شذى تصرّح بأن «هيثم» ممنوع من العديد من الأشياء بسبب مرضه

شاركت الفنانة شذى جمهورها ومحبيها، عبر حسابها الرسمي على موقع تبادل الصور والفيديو «إنستقرام»، بصورة ظهرت من خلالها بجانب صديقها المقرب هيثم شاكر.

اقرئي ايضا : عمرو دياب يعلّق على الألعاب النارية في حفله: «هتدخلونا النار دنيا وآخرة!!»

وحرصت، من خلال تعليقها على الصورة، على أن تكشف سراً جديداً عن هيثم شاكر، بعد أن أعلن عن إصابته بالسرطان منذ عدة أيام، وعلّقت شذى وقالت: «من إمبارح بيجيلي تليفونات.. اللي زعلانين مني علشان أنا من أصحاب هيثم المقربين، وكنت عارفة ومقولتش على مرضه، واللي أصلاً بيشكك إن هيثم كان تعبان عموماً علشان مش هينفع أرد على كل المكالمات.. هيثم كان فعلاً مريض بمرض خطير، ربنا يبعد كل شرّ عن أي حد يا رب.. والحمد لله هو تعافى».

وأضافت: «هو لسه في حاجات كتير محروم منها، وأهمها حاجة أساسية لأي كائن حي؛ وهي نعمة الأكل. هيثم لحد دلوقتي وهيفضل كده ميقدرش ياكل بشكل طبيعي.. وده سبب اختفائه كل الفترة دي».
 

شذى تؤكد أن إخفاءها مرض هيثم شاكر كان بناءً على رغبته

اقرئي ايضا : حبس الفنان أحمد الفيشاوي والسبب صادم!

وتابعت تعليقها قائلة: «وتوضيح سبب إن هو فقد كتير جداً من وزنه عموماً محدش بيسيب نجاحه بمزاجه ويختفي، ومش معنى إن أي حد بينزل صور ولا بيبين إنه مبسوط إن دي بتكون الحقيقة.. كل واحد عنده حتة مستخبية محدش عارف عنها حاجة # أنا كتبت كده علشان محدش يلومني ليه مكنتش بقول، وعموماً برضه هيثم هو اللي مكنش حابب حد يعرف حاجة عن كل معاناته دي، علشان أصحاب النفوس المريضة ميفهموش إن هو بيعمل أي حوارات علشان يبرر بيها غيابه».