ابنة شريف منير تقبّل يد والدها وتكتب له رسالة مؤثرة

نشرت أسما شريف منير، صورة ووالدها تقبل يده، عبر حسابها على «إنستجرام»، كشفت عن رأيها في أعماله، ووجهت إليه رسالة قوية ومؤثرة.

وقالت «أسما»: «سيبكوا تمامًا من إنه أبويا، بس أنا عايزة أقولكوا رأيي فيه كممثل، هو عمل أصعب معادلة في التاريخ وهي حفاظه على مكانته».

اقرئي أيضا : فيديو نادر.. رشدي أباظة وسامية جمال يكشفان سر استمرار زواجهما

وأضافت: «باحترم فيه جدًا قوة رفضه حتى لو كانت الظروف بتجبره على أنه يشتغل، إنه زيه زي أي حد عنده بيت وعيال ومصاريف، بس ده مخلاهوش ينحت، بيتعب جدًا في شغله وبيبذل مجهود في تفاصيل الشخصية إللي بيلعبها، صبغ شعره أصفر، اهتم بصحته ولعب رياضة، عمل ست بكل تفصلها، اتعلَم رمايا (عشان لو جاله دور ماسك فيه مسدس وبينشن على حاجة متبقاش مصطنعة)، ركوب خَيل، أخد دروس عبري عشان ولاد العم».

وتابعت: «عمل كمان حركة ذكية، بيعمل أدوار تبان إن هي شبه بعض زي مثلاً لما عمل ست. ناس كتير ممكن تقول أنا مش هعمل دور ست مرتين بس هو عمل ست في (حزمني يا) كوميدي، وعمل دور ست في (هستيريا) دراما توجع القلب».

واستطردت: «من الفنانين القليلين جدًا إللي معندوش مانع يخاطر مع مخرج جديد وكمان عمره ما استكبر أنه يشارك بطولة مع شباب جديد، الراجل ده فضل صامد ومحافظ على مستواه الفني من ساعة ما بدأ لحد النهاردة وعدى عليه ناس كتير ولسه محافظ على مكانته الخاصة، أحب أشكره على مجهوده إللي عمله في حياته كلها».

وقالت: «أنا بفتخر إن اسمي على اسمه، ربنا يحبب فيك خلقه دائمًا. أما بقى علاقتي بيه كا أب أكتر واحد بيتخانق معايا وبيسمعني، صحبي جدًا وبخاف منه (احترامًا ليه) لا وبخاف منه برضه مرعب جدًا على فكره، مره جوزي كان بيحضني قدامه جريت ونسيت أنه عادي، حنين وصارم وطيب، اتعلمت منه كتير اوي وشبهه في حاجات كتير، سندي وضهري».