نجل ممثل شهير يهاجم أمير كرارة وفريق عمل فيلمه الجديد بتهمة إهانة والده

هاجم أكرم، ابن الفنان محمود البزاوي، فريق عمل فيلم «كازابلانكا» للنجم أمير كرارة، بسبب عدم وجود والده على الأفيش الدعائي للفيلم الذي قام المخرج بيتر ميمي بنشره عبر حسابه الشخصي بموقع التواصل الاجتماعي إنستغرام.

وكتب أكرم عبر حسابه بموقع «فيسبوك»: «مبدئيًا أبويا ماعندوش أي فكرة عن البوست ده أنا أبويا طيب ويمكن طيبته دي هي إللي كانت سبب في تأخير نجاحه وأنه كتب من الباطن كتير مثلاً زي ما قولت قبل كده وكان دايمًا بيعمل حاجات وتنجح ومفيش حد يعرف أنه له دور في نجاح العمل ده بس إللي كان بيصبره إن ربنا هيعوض».

اقرئي أيضا : عمرو دياب ينجح في الإطاحة بالمخرجة كامله أبو ذكري من مسلسل دينا الشربيني واستبدالها بسامح عبدالعزيز

وأضاف: «بعد ما قدر يوصل بدراعه للي هو فيه لسه في ناس مش مقتنعة بي... بس ده حقهم لأن مفيش حد عليه إجماع بس طالما مش مقتنع بحد يبقى ما تحرجوش وابعد عنه أحسن لأنه في نظرك مش الشخص إللي يفيد».

وتابع: «في رأيي الشخصي ناس كتير بتعرف تتصور بس مش الكل بيعرف يمثل... وآسف لو كنت منحاز أوي في كلامي لأبويا بس زي ما قولت ده أبويا إللي نجاحه بيسعدني أكتر ما بيسعدني نجاحي».

واختتم بملحوظة: «أبويا قالي إنه عامل دور مهم في الفيلم ده... ويمكن بيكدب عليا وطالع كومبارس... ساعتها ها تأسف على البوست».