واقعة مضحكة بين مصطفى خاطر والكهرباء!

شارك النجم الشاب مصطفى خاطر جمهوره ومحبيه، عبر حسابه الرسمي على «إنستقرام»، بمنشور كشف من خلاله عن تعرضه لأزمة كبيرة مع الكهرباء، وقال: «كنت عاوز أتكلم عن حاجة.. مش عارف أنا بس اللي كده ولا في كتير قوي زيي.. أنا باتكهرب أيوه باتكهرب.. وبقيت أشوف شرز وأسمع صوته لو لمست حد».

وأضاف: «باتكهرب من العربية والأكر بتاعة البيبان وأي معدن، بجد اللي عارف ده من إيه يقولي، ويا ريت يقولي حل لموضوع الكهربا ده.. أنا بفكر ألف نفسي بشيكرتون بدل الكلسون، وياريت أي حد يتعامل معايا يبقى معاه مفك تيست!».

اقرئي أيضا : حسن الرداد وحمادة هلال آخر النجوم الذين لحقوا بسباق دراما رمضان المقبل

وتفاعل معه الكثيرون من معجبيه، الذين كشفوا له أن ما يتعرض له أمر طبيعي، وقال له أحد متابعيه: «دي حاجة اسمها كهرباء إستاتيكية، ودي ناتجة عن احتكاك الجسم بشيء ممكن يولد شحنة، زي اللبس اللي فيه بوليستر، أو بعض أنواع الصابوهات، والكهربا دي بتتفرغ لما تلمس الأرضي، وعلى حسب شدة الشحنة المخزونة بتبقى شدة الكهربا».

يشار إلى أن مصطفى خاطر قام بتصوير أول مشاهد مسلسله الجديد «طلقة حظ»، والذي سيخوض به السباق الرمضاني المقبل، ويشارك في بطولته عدد من الفنانين، مثل: هبة مجدي، آيتن عامر، محمد أنور، ومحمود فارس.