نانسي عجرم تصرخ من القلب فما السبب؟

بعد تفاقم أزمة النفايات التي لم تجد لها الدولة اللبنانية حلاً بعد، وجهت الفنانة نانسي عجرم صرخة للمسؤولين اللبنانيين سألتهم فيها عن الهاوية التي قادوا البلد إليها، من خلال سلسلة تغريدات جاء فيها "سئل أرسطو من يصنع الطغاة ؟ فردّ قائلاً ضعف المظلومين".

"شو هالإيام يلي وصلنالا... ما عم صدّق الواقع يلي عايشين في... كيف تركنا حالنا نوصل لهون؟ وين الإدارة؟ وين مؤسسات الدولة؟ وين المسؤولين؟ كيف ما قدروا يشوفوا إنو رح نوصل لهون؟ كيف ما كان في خطة بديلة؟ كيف ممكن بالقرن ال٢١ انو يكون في بلد وصّل حالو ليصير مكبّ للنفايات؟ بوعى الصبح وبفكّر بالموضوع وما عم بقدر اتخيّل نحنا وين عايشين! ما عم صدّق انو لبنان الأخضر، لبنان الثقافة، لبنان سويسرا الشرق وصّل حالو انو يصير مكب زبالة ...مش عم بستوعب كيف ولادنا بدّن يقطعوا بين الزبالة ويتنفسوا أمراض وسموم وتلوّث! كأنو فيلم رعب! كابوس! يا عيب الشوم!!!"