مؤلف تامر وشوقية لأحمد مكي: "متمناش نتقابل تاني لا في شغل ولا في الحياة!"

وجّه السيناريست الكبير عمرو سمير عاطف رسالة، عبر حسابه الشخصي على موقع «فيسبوك» لأحمد مكي، وكتب عاطف: الواحد مبقاش فيه حيل يدخل في جدال، والموضوع مبقاش فارق قوي، وخصوصًا إن «تامر وشوقية» كانت مرحلة عدى عليها سنين طويلة وانتهت، الكلام اللي مكي قاله في اللقاء عن «تامر وشوقية»، العمل اللي كان بدايته الحقيقية، والسبب اللي خلاه يبقى ممثل مش مخرج كلام غير دقيق؛ لأنه بيدي إيحاء إنه كان له دور في تطوير الموضوع، وإنه كان سبب يبقى فيه حاجة اسمها «سيت كوم»، وإنه بيحب «يذاكر» الموضوع وبيقول «جبنا كتب» و«عملنا»، وده كله كلام فيه مبالغة في تصوير دوره.

اقرئي أيضًا : سارة نخلة: أحمد عبد الله محمود «رافض يطلقني» وسألجأ للقضاء

وتابع عاطف: «شريف عرفة وقّف التصوير بعد الحلقتين لمدة أسبوع، وقرر إنه هايخرج هو الحلقات، ومكي هايعمل دور هيثم.. هل ده معناه إن مكي ما أضافش للعمل؟ لأ طبعًا، مكي كان إضافة مهمة وكبيرة جدًا لتامر وشوقية، وفعلًا دور هيثم مكانش مكتوب كده في الأول، بس بعد ما مكي ابتدى يعمله بالطريقة دي؛ ابتدينا نكتب الدور بطريقة مختلفة».

اقرئي أيضًا : زوج منى الشاذلي يتولى منصبًا إعلاميًّا مهمًّا.. إليك التفاصيل

وأنهى عمرو سمير عاطف ما كتبه، بالقول: «في النهاية أنا بحب (تامر وشوقية) جدًا، وخصوصًا إني تعبت فيه قوي، ومكي فنان كبير وموهوب، مش بس كممثل، لكن برضه كمخرج، ومازلت شايف إنه لو رجع يخرج مرة ثانية أكيد هيبقى مخرج من أهم المخرجين في مصر، ويمكن في تاريخ السينما المصرية، لكن للأسف الواحد بيضطر يتكلم عن نفسه وعن مجهوده لما يلاقي تصرفات وكلام بيعكس نرجسية ورغبة في التكويش على كل حاجة زي ده، بتمنى التوفيق لمكي دايمًا، بس ما اعتقدش وما اتمناش إننا نتقابل تاني لا في شغل ولا حتى صدفة».