أصدقاء منة فضالي يخذلونها في أزمتها الصحية

كتبت منة فضالي تفاصيل الوعكة الصحية التي تعرضت لها مؤخراً، وأوضحت عبر حسابها على موقع التواصل الاجتماعي فيس بوك: «كنت بموت بقالي يومين حرارتي مبتنزلش المهم الحمدلله إن الواحد كل شوية بيتأكد إنه صح إن مفيش حاجة اسمها عشرة وعيش وملح» وأضافت: «أنا اعمل لغيري لكن غيري عمري ما حلاقيه جنبي إلا لو في مصلحة، المرض والموت نعمة من ربنا بيكشفلنا كل شوية ناس متستهلش حتى تبص في وشوهم قليلين قوي اللي اهتمو يسألوا عليا وعلى صحتي لكن ال ١٠٠٠٠٠ اللي عندي واللي ملهومش أي لازمة غير إنهم يتفرجوا عليا وفالحين بس يقولولي واو إيه الجمال ده إيه الطعامة والشياكة دي ناس منافقة كذابة حتعيشوا وتموتوا كده الحمد لله إني مش زيكم ولا حكون لأني بكل بساطة بحب الكل وبحب الخير للناس كلها ومش حتغير بس مع اللي يستاهل».

اقرئي أيضًا : أصالة تسخر من فستان رانيا يوسف في حفلها الأخير.. والفنانة ترد

وتابعت: «ربنا كبير والدنيا عيشة وقتية الدوام لله صحيح أنا ممثلة وبلبس لبس مش محتشم ساعات لأن ده شغلي بس كفاية إني مش بأذي حد ولا عمري شمت في حد اتفرجوا عليا قوي واحقدوا أوي وغيروا أوي أوي بس عيشوا ضميركم مرتاح زييى لو عرفتم».

واختتمت منشورها بقولها: «طبعا بعد البوست ده حلاقي تليفونات ورسايل بالهبل أحب أطمنكم آخركم عندي إني أتفرج عليكم، كنت فاكرة إن الحب اللي بيكسر طلع في أهم من الحب العشرة والعيش والملح اللي متعرفوش عنه حاجة.. إخص».