مفاجأة.. غنوة سليمان تُوفيت أثناء تجهيزها أغنية لمصالحة أختها أنغام

مفاجأة جديدة فجرها الشاعر مينا مجدي عن الراحلة غنوة سليمان، التي كانت تجمعه بها علاقة صداقة قوية إلى جانب علاقة العمل؛ حيث تعاونا من قبل في عدد من الأغنيات؛ فقد كشف مينا أن غنوة طلبت منه قبل رحيلها كتابة أغنية لتكون بمثابة مصالحة منها لأختها أنغام، لكنها تُوفيت قبل أن يرى هذا المشروع الغنائي النور، بحسب ما كتب عبر حسابه على موقع التواصل الاجتماعي فيس بوك:

"وحشاني يا أختي جدًا.. وحشتني الذكريات.. مهما الأيام خدتنا.. عمري ما أنسى اللي فات.. في بينا حاجات كتيرة.. وانتي يا أختي الكبيرة.. عندي ست البنات" الكلمات دي جزء من أغنية كتبتها مخصوص بناءً على طلب شخصي من صديقتي الراحلة غنوة محمد علي سليمان، كتبتها علشان تغنيها وتعملها مفاجأة لأختها الفنانة أنغام.

اقرئي أيضًا : بالصور: ياسمين عبد العزيز تشعل إنستجرام بجلسة تصوير جديدة

وأضاف: "بعد مكالمة طويلة كانت ما بيني وبينها، مكالمة كانت مليانة دموع وحنين لذكرياتها القديمة مع أختها، كل الناس كانوا عارفين أن أنغام وغنوة بقالهم فترة كبيرة قاطعين علاقتهم مع بعض، وبدون دخول في التفاصيل، كان بقالهم سنين لا بيتكلموا ولا بيتقابلوا، وده كان مسبب جرح كبير فى قلب غنوة، وفي يوم من الأيام كتبت بوست وطلبت فيه من الناس اللي بتتابعني إنهم يعملوا منشن لأكثر حد واحشهم.. واتفاجئت ساعتها لما لقيت غنوة كاتبة اسم أنغام في كومنت".

وعن تفاصيل القصة، حكى مينا مجدي: في نفس اليوم اتصلت بيها واتكلمنا، وعرفت منها إنها برغم كل الخلافات اللي بينها وبين أختها إلا أنها لسه بتحبها.. بتحبها ومحتاجة لوجودها في حياتها زي زمان، ووصلنا لنتيجة إني هكتبلها أغنية تقدمها مفاجأة وهدية لأنغام، علشان يرجعوا لبعض تاني ويدوب ما بينهم أي زعل.. وفعلاً الأغنية اتلحنت وسمعها والدها وأشاد بها".

اقرئي أيضًا : تغير واضح في ملامح نجوى كرم.. هل أجرت عميلة تجميل؟

وأنهى الشاعر الشهير حديثه بقوله: "لكن فجأة ماتت غنوة، ماتت وهي لسه في عز شبابها من غير أي مرض أو سابق إنذار.. واستقبلت أنغام الخبر بصدمة كبيرة وحزن عظيم، إمبارح كنت بتفرج علي برنامج ريهام سعيد وكانت في لقاء مع والدة غنوة، سألتها عن رد فعل أنغام لما عرفت خبر موتها، قالت بدموع: أنغام فضلت معاها وهما بيغسلوها، ونزلت عند رجلي تعيط وطلبت مني إنها تدفن أختها في القبر بتاعها".