نداء شرارة ترد على شيرين عبد الوهاب وتفضحها

تسببت الفنانة الأردنية نداء شرارة في فضيحة مدوية للفنانة شيرين عبد الوهاب، بعدما ردت على تصريحاتها التي أطلقتها شيرين ببرنامج "مجموعة إنسان" عبر قناة mbc

ونشرت نداء عبر موقع "إنستجرام" مقطع فيديو لتصريح شيرين الذي كشفت فيه أنها لم تدعمها فقط في البرنامج؛ بل دعمتها ودعمت عائلتها نفسيًا وإنسانيًا، لترد عليها قائلة: "بالبداية خليني أشكرك على دعمك وعلى ثقتك وعلى كل مرة حكيتي للناس صوتولها. بس خليني أقلك شي أنتي اللي ربحتي مش أنا، أنا دينار واحد ما ربحت من ذَا فويس، أنا طيب خاطر منك بعد البرنامج ما صار، أنا ربحت شتايم وحكي طالع نازل وناس بتهاجمني، أنا هلأ عّم بعمل لحالي اسم وجمهور بعد ما كسبت ثقة الناس وحبهم بصوتي بتواضعي بمبدأي بحبي لحالي".

اقرئي أيضًا : صور نادرة لمديحة يسري بصحبة زوجها الأول نجم شهير لن تتوقعوا من هو!

وأضافت: "مش عارفة شو أقول لما تبقى فنانة بهذا الحجم ومش شايفتيني بعينك وما بدك تعترفي أنك عملتي معي موقف زي هاذ لانو مش فارق عندك واساسا هاد موقف أنا سامحتك عليه، بلاش تطلعي تحكي بالمقابلة أنا دعمتها ودعمت أهلها وإصراري اللي نجحها وخليت أهل بلدها يدعموها. ايش في ..؟ بنصحك تحكي جل من لا يسهو اللي نجحني بعد ربنا صوتي وحجابي كمان، وانا ربنا وفقني عشان صافيه نضيفه وانا ما خليت مكان إلا شكرتك فيه بعد البرنامج مع أنك كنتي عارفه وضعي سيء ما عملتيلي ولا شي ولا فكرتي تعملي زي ما وعدتي. اه وعدتي وانا طبعا ما بصدق عشان الدنيا كانت هاديتني وكاسرتني وما عندي ثقه بحد".

وتابعت: "خليني أقلكم عن دعم شيرين عبد الوهاب. والله العظيم اني شفتك كم مره بحياتي بس قلتي للناس تصوتلي دعمك على عيني وعلى راسي، وبالفعل اذا كان هدا جميل بقدرلك اياه لآخر يوم بعمري، بس بتحكي خليت بلدها يدعموها وإصراري نجحها. اللي نجحني صوتي بس".

اقرئي أيضًا : علي ربيع يحقق إنجازًا لأول مرة بمسلسله «سك على إخواتك»

وأكملت رسالتها: "بتحبي تعرفي قديش عانيت من بعد البرنامج؟ بتحبي تعرفي شو صار معي؟ بتحبي تعرفي دعمك؟ انا بلحظة تمنيت لو أني ما شاركت بالبرنامج. عن اي دعم بتحكي؟ انا لولا اجتهادي كنت ما عرفت اثبت حالي، كسرتي خاطري لأول مره، بحكيها عادي زيك زي كتير والله على ما اقول شهيد. قلتيلي هطلعك معايا ببعلبك تغني ودي حاجه كويسه ليكي، حجزت تيكت وأوتيل على حسابي وكنت معيش اعيش أيامها، بس قلت يلا لازم اروح. عتبت عليكي عشان نسيتني مش عشان ما طلعت جنبك. ما بدّي اخد جمهورك ولا شي. قلتلك بالمسج انا مش طمعانه غير بشوفتك. قالتلي بالحرف الواحد انا عرفت دلوئتي انك زعلتي، اصل ساعات الواحد بينسى بناته. هلا جايه بتقولي هيه افتكرت انها هتطلع معايا؟ هوه انا يعني بدّي اجي ازعل أني ما طلعت معك؟ اقسم بالله انا ما كنت هاكله هم غير انو من وين بدّي ألاقي حدا يوصلني ع بعلبك وقتها لان ما حدا كان داري عني بدّي اعتب، وبعدين قطعتي تواصلك معي. ما حكيت عليكي بالعاطل. ما قلت شي. قلت عتبت عليها وحكيت الموقف بكل حب، وقلت نسيت عادي. انتي شيرين، احنا مين علشان يطلعلنا معاكي انا الشي الوحيد اللي ربحتو من البرنامج هوه ثقتي بنفسي، ما ربحت لقب، خلي الألقاب لصحابها."