عمرو سعد بعد استبعاده عن دراما رمضان 2018: تعرّضت لإطلاق نار

بعد استبعاده من الماراثون الرمضاني في اللحظات الأخيرة بخروج مسلسله "بركة" من السباق الدرامي، كشف الفنان عمرو سعد عن صدمته لتراجع كل القنوات المتعاقدة على شراء حقوق البث عن إدراجه ضمن خطة رمضان.

إقرئي أيضًا: هذه أبرز ثنائيات مسلسلات رمضان 2018

ونشر عمرو عبر حسابه بموقع الفيس بوك صورة له من مسلسل "بركة" وهو يتعرض لإطلاق نيران من مسدس وعلّق عليها قائلاً: كنت اتمنى أني أكون معاكم بس الظاهر ان اتضرب عليا نار بس أنا عاوز أقول ان اللي بيحلم بعيش جوه قلوب الناس عمرة طويل جدا بيعيش ويلاطم الزمن بكل بلاويه وان مفتاح البقاء هو الإخلاص في العمل ...والاستمرار للأفضل والأصدق.

أضاف:  قررت أتكلم لان الإشاعات كتيرة علي المسلسل بتاعي والكل بيقول اَي كلام ...وانا عمري ما تاجرت بمعاناة ولا اتكلمت عن نجاح ولا تباهيت بشهرة لأني مؤمن من يوم ما طلعت علي أفيش اول بطولة في فيلمي الاول من عشر سنين ان بطل الناس واحد منهم علشان كدة دعيت ربنا ما اتغيرش واظن ربنا استجاب علشان أفضل شايف من عيونكم وحاسس زيكم أنتم اهلي وعزوتي وناسي وقوتي ضد اَي حد ممكن يحاول يعطلني أو اَي فاشل مش فاهم أهمية اللي بيبني أو اَي أعمي مش شايف ان التأثير الحقيقي علي الارض هو اللي بيحرك المشاعر.

إقرئي أيضًا: زينة تكشف أسرار مسلسلها «ممنوع الاقتراب أو التصوير»

تابع قائلا:  اللي يغير ويطور تفضل قيمته زي الذهب ومع الوقت يغلي ويفك زنقة ناس محتاجة ساعتها تتغير أو تفرح وتقول لأولادها كان في هنا ناس زمان عايشين ...بني أدمين كان هدفهم ينورا للناس مش يتنورا من الناس ...لان اللي بينفع الناس بيفضل في الارض ده ربنا اللي قال كده. قانون للحياة وحكم علي الاعمال ...يارب أكون كده وانا بأحمد ربنا وباشكركم علي دعمكم الكبير ...والمجهود الكبير اللي عملناه هايوصل هايوصل ان شاء الله ومعاه تكبر المحبة والاحترام والثقة المتبادلة اللي اتمني تدوم الي ان يقضي الله أمرا كان مفعولا.

يذكر أن مسلسل "بركة" من تأليف محمد الشواف، وإخراج محمد بركة، للمنتج تامر مرسى، بطولة عمرو سعد، هالة صدقي، كمال أبو رية، عايدة رياض، عمر زهران، أحمد حلاوة، مصطفى درويش وهنادي مهني، وعمرو زهران، وأحمد جمال سعيد.