مي كساب: زوجي ساذج وطيب وسجنه اقسى ما حصل معي

بعد اتهامه بالتزوير واحالته للقضاء العسكري مع زميل فرقته أورتيجا، تقوم الفنانة مي كساب بحملة اعلامية لانقاذ زوجها أوكا، الذي أكدت أنه بدوره ضحية.

مي كتبت رسالة مؤثرة جاء فيها: كل اللي يعرفني من قريب يعرف كويس أني عمري ما كرهت حد ولا عمري اذيت حد ولا عمري عملت تصرف مخل بالشرف ولا اتنازلت عن شرفي ولا كرامتي في يوم من الأيام واستحملت ظلم كتير واضطهاد ومحسوبيات وكنت طول الوقت باصبر نفسي بكلام ابويا الجميل اللي رباني علي القناعة كان دايما يقولي انتي عامله زي عسكري في الجيش كل شويه بيترقي بجهده وتعبه ويتنقل من سلاح لسلاح.

تابعت: انا مريت بظروف صعبه كتير في حياتي بس للأسف بقالي ٤ سنين مش باشوف يومين حلوين علي بعض انا باعيش اقسى ايام حياتي من يوم ١/١٢/٢٠١٢ يوم ما اكتشفت ان امي عندها السرطان وانا مش مي انا واحده تايهه مش لاقيه نفسها موت امي كسرني ومن بعدها احداث كتير قوي وجعتني القريبين مني عارفين انا استحملت حاجات صعبه كتير اد ايه السنين اللي فاتت بس الصراحة ده اصعب موقف اتحطيت فيه من يوم ما اتولدت مش عشان ده جوزي وحب عمري وإحساسي بعدم وجوده جمبي كان روحي متاخده من جسمي لا عشان متأكدة انه مظلوم متأكدة انه ضحيه طيبته وسذاجته وللأسف ضحيه تعليمه المتواضع الضحل ضحيه ثقته الزيادة عن اللزوم في اي شخص يقرب منه ويضحك عليه ويقوله انا هاعملك ويوعده وعود كدابه وفي الاخر يستغله ويورطه.

اضافت: طبعا لما باتكلم عن محمد كأني باتكلم عن احمد كمان "اوكا واورتيجا" روح واحده في جسدين ثقتي في رب العالمين كبيره جدا انه هينصرهم ويفك كربهم ثقتي في عدالة القضاء العسكري كبيره انه مش هيظلمهم ثقتي في قلوبكم الرحيمة كبيره إنكم هتقفو جمبهم ادعولهم وادعموهم اقسم بالله العلي العظيم #اوكا_واورتيجا_مظلومين.

اقرئي أيضاً:

شعبان عبد الرحيم: "سعد الصغير كان بيبوس علي إيدي ورجلي"

حسن الرداد: "ما زلت أقيم في منزل والدتي حتى بعد الزواج"

القضاء يدين زياد الرحباني ابن فيروز ما السبب؟