تعرف على رسالة زينة لأحمد عز بعد تبرئته من تهمة سبها

أعرب الفنان أحمد عز عن سعادته لحكم المحكمة بتبرئته من تهمة سب وقذف الفنانة زينة، وذلك بعدما قامت زينة برفع دعوى قضائية تتهمه فيها بسبها وقذفها بسبب المشاكل التي دارت بينهما ونسب طفليها إليه بعد حكم المحكمة بذلك.

وكتب عز عبر صفحته الشخصية عبر موقع التواصل الاجتماعي "الفيسبوك" مؤكداً سعادته بالحكم حيث كتب "بحمد ربنا وأشكر فضله، وأثق في القضاء المصري وكنت أثق في البراءة لأني معملتش أي حاجة غلط، وتربيتي إن الإنسان لازم يكون محترم في كلامه حتى لو الناس غلطت فيه، وربنا أظهر الحق وهنستمر في قضية النسب، لآخر يوم في عمرنا، بشكر كل الجمهور اللي ساندني".

وعندما رأت زينة ما كتبه عز ردت عليه من خلال حسابها الخاص على موقع الصور "أنستجرام"، حيث قالت إنها لم تكن تنوى الرد ولكن استفزاز عز لها هو ما دفعها لذلك حيث كتبت قائلة "معلش بقى أنا ماكنتش ناوية أعلق بس بصراحة كدبك اللي مالوش نهاية بيستفزني جداً.. أولا مبروك براءتك من قضية السب والقذف في حقي ولو إن مبروك من تهمة دي مش حاجة تشرف أوي يعني انت ما أخدتش جائزة نوبل".
وأضافت: "كده كده ماكنتش هاسيبك تتسجن علشان ولادك مايبقاش أبوهم رد سجون.. ارجع بقى من لندن اللي انت مستخبي فيها، ماتخافش مش دي صورتك هناك أما بقى لو جبت سيرة ولادك وقضية النسب دي تاني هايكون ليا تصرف تاني معاك وبالقانون لأن القضية دي اتقفلت لآخر يوم في عمرك بطل كدب وبطل تضحك على الناس لأن الناس مش هابلة".

وتابعت زينة قائلة: "خلاص اتلهي في شغلك ومعجباتك.. وكفاية بقى فيلم محترم ده علشان ماحدش بيصدقه غيرك الناس عرفت حقيقتك ويا ريت تبطل تستغبى الناس.. والأهم من ده كله لو كان تم الحكم عليك كنت هاحس إن ربنا بيحبك وبيكفر عنك في الدنيا.. لكن الحمد لله حتى يبلغ الحمد منتهاه حسابك عند رب العالمين شايلهولك كله في الآخرة ومافيش أعظم من حساب ربنا".