إيلي ديب لـ نوال الزغبي: فاشلة ومستهلكة وأتمنى أن تنسيني

فجأة ومن دون مقدّمات، شنّ إيلي ديب طليق الفنانة نوال الزغبي حملة عنيفة ضدها مساء أمس، حيث كتب عبر صفحته الخاصة على الفايسبوك: "صراحة ما عم بعرف شو قصتها هالفنانة بكل مقابلة ما عندها إلا إيلي ديب تجيب سيرتو بالوقت يلي انا معتبرها مش موجودة وصرت رافض اكتر من مية وسيلة اعلامية عم تطلب مني انو رد على كل الافتراءات يلي عم بتعرضلها لأني انسان بحترم نفسي وبعرف كيف اتعالى على الجراح".

وتابع ديب "في آخر مقابلة تلفزيونية إلها ما كان عندها شي تحكي الا ايلي ديب يا عمي حدا يفهمني شو بدها مني ليش ما بتنساني ما انا نسيتها من سنة 2008 ليش ما عم تقدر تنساني ما بعرف".

وأضاف "نصيحة يا فنانة ايلي ديب نسيه لانو هوي مبعد حالو عنك متل هون والمريخ وبدل ما تلتهي بسيرة ايلي ديب شوفي شو بدك تعملي لترجعلك نجوميتك يلي ضاعت منك، شوفي كيف تعمليلك شي عمل عالاقل يعوضلك عن هالفشل الذريع يلي تعرضتيلو من سنة 2008 ونصيحتي الاخيرة الك ما بقا تطلعي بمقابلات لانك صرتي متل خط التشريج كل ما حكي كل ما فضي والسلام".

وصباح اليوم أكمل ديب هجومه قائلاً "تحية اكبار للسيدة ماجدة الرومي والسيدة نجوى كرم والسيدة اصالة نصري والسيدة ديانا حداد ولكل فنانة شاء القدر انو تنفصل عن زوجها وما فتحت مجال لوسائل الاعلام انو تتدخل بحياتها الخاصة".

ويأتي ردّ ديب على نوال بعد ظهورها في أكثر من مقابلة تلفزيونية، تحدّثت فيها عن طلاقها، وقالت إن ديب يعرقله بسبب رفعه قضية في الفاتيكان، وأكدت أن علاقته بأولاده جيدة وأنها تتحدث معه بطريقة عادية.

اقرئي أيضاً:

استبعاد إبراهيم نصر من مسلسل غادة عبدالرازق لأسباب غير معلومة

من هو زوج شمس الكويتية الذي أخفته عن الجميع؟

هل وقع محمد إمام في حب الفنانة الشابة تارا عماد؟