ماذا قال تامر حسني عن صورته القديمة المثيرة للجدل؟

انتشرت في اليومين الأخيرين صورة قديمة للفنان الشاب تامر حسني في ريعان طفولته، وهو عاري الصدر وذو شعر كثيف في مؤخرة رأسه، حيث استغلها البعض للسخرية منه على مواقع التواصل الاجتماعي، لكن الفنان المصري لم يتجاهل الأمر وقام بالرد على كل من سخروا منه.
وقام تامر حسني بنشر الصورة القديمة وبجانبها صورة حديثة له من خلال صفحته الخاصة على موقع الفيس بوك، وقال ردًّا على من انتقدوه: «من يومين نزلت صورة ليا وأنا صغير وشغلت ناس كتير وفضلوا يتريقوا على الصورة، في الحقيقة إني في الوقت ده فعلًا كنت بحاول أقلد المشاهير في صورهم وأفلامهم وحركاتهم، وبغض النظر عن إن في الوقت ده كانت الموضات شبه كده، وأنا بقول شبه كده لأني كنت ولد صغير معندوش فلوس نهائي يشتري لنفسه حاجة غالية ولا عنده أب يشتريله حاجة أصلًا».
وأضاف مكملًا حديثه: «من يوم الصورة دي وأنا حالف إني أتصورها بجد وأنا مشهور. الصورة دي بتثبت لأي شاب إيجابي إن مفيش مستحيل واللي عايز يتريق على الولد اللي في الصورة هقوله يا رب تنجح زيه».
وأنهى تامر حسني رسالته لجمهوره قائلًا: «أنا فخور بالصورة دي، والنهارده بقول للولد الصغير ده أنت راجل عشان حلمت بحلم وحققته، وبدأت من تحت الصفر، ووصلت لحلمك بمجهودك وعرقك، وكمان اشتغلت شغلانات كتير فيها شقى وتعب؛ عشان تصرف على أهلك من وأنت في السن ده! شكرًا يا ولد يا صغير إصرارك عمل مني راجل إنسان فنان اسمه تامر حسني».